KKRT - Për mbrojtjen e fëmijëve dhe adoleshentëve

Për mbrojtjen e fëmijëve dhe adoleshentëve

Ligji nr.8410 për këtë qëllim, në mes të të tjerave, parashikon:

Nuk lejohet "prodhimi e transmetimi i programeve pornografike" (Neni 38\4) dhe "Filmat e ndaluar për fëmijët nën moshën 14 vjeç nuk shfaqen në televizion as pjesërisht prej orës 6. 00 deri në orën 2. 00 të ditës tjetër"(Neni 43).
Këshilli i Ankesave, përveç kësaj, rekomandon:

Nga ora 6 00 deri në orën 21. 00, të evitohen të gjitha programet dhe filmat me skena erotike dhe shfaqje dhune, të cilat mund të ndikojnë negativisht te fëmijët nën moshën 14 vjeç.
Kjo vlen edhe për emisionet radiofonike.
Pas kësaj ore për programe dhe filma që mendohen "me probleme" për fëmijët dhe adoleshentët deri në moshën 18 vjeç të përdoren shenja paralajmëruese për familjarët, të cilët, sipas rastit, zgjedhin mënyrën për t’i mbrojtur ata.
Mund të përdorën tri kategori shenjash:

Kategoria e parë: Një shenjë e kuqe që paralajmëron programe apo filma të rënduar me skena dhune apo erotike.

Kategoria e dytë: Një shenjë e verdhë, ndoshta edhe me figurë, që paralajmëron familjarët se për fëmijët dhe adoleshentët do të ishte e nevojshme ndonjë interpretim nga ana e më të rriturve.

Kategoria e tretë: Një shenjë jeshile që paralajmëron një program apo film, i cili, megjithëse shfaqet pas orës 21 00 dhe trajton një tematikë jo për fëmijë dhe adoleshentë, mund të ndiqet prej të gjithë grupmoshave.

Shënim 1. Në mungesë të shenjave mund të përdoren edhe fjalë.
Shënim 2. Për të realizuar një mbrojtje sa më të efekshtme të fëmijve dhe adoleshentëve, Këshilli i Ankesave mirëpret vërejtje dhe sugjerime nga drejtues dhe specialistë të medias radiotelevizive në adresën:

[Pas]