KKRT-ja do të paraqesë draftin e saj të parë të Strategjisë për Kalimin në Sistemin Dixhital për Radion dhe Televizionin në Shqipëri. KKRT-ja, së fundmi, ua ka shpërndarë Projekt – Strategjinë të gjitha organeve mediatike përmes postës. Aktorët vendorë të mediave janë të ftuar të diskutojnë çështjet kryesore të dixhitalizimit, që do të ndikojnë në rolin e transmetuesve publikë. Mendimet e mbledhura në këtë forum do të merren parasysh nga KKRT-ja në përgatitjet e saj të ardhshme për Strategjinë përfundimtare të Kalimit në Sistemin Dixhital. Presim me padurim pjesëmarrjen tuaj dhe ju urojmë gjithë të mirat″, thuhet në mbyllje të ftesës së Kryetares Doda dhe Ambasadorit Bosch.
Takimi i parë i drejtuesve të këtyre dy institucioneve për këtë sezon të ri këshillimi me subjektet radio - televizive lokale u mbajt në Korçë në datën 12 dhjetor 2008. Operatorët lokalë drejtuan shumë pyetje me interes, për të cilat u dhanë përgjigje të drejtpërdrejta nga Ambasadori Bosch, Zv.Kryetari i KKRT-së, z. Karapici, Drejtori Teknik z. Koçi etj. Programi ishte si më poshtë:
Fjala e mirëseardhjes nga Prezenca e OSBE-së në Shqipëri.
Prezantimi hapës nga Zv/kryetari i KKRT-së: ″Projekt – Strategjia për Kalimin në Transmetime Dixhitale – shpjegimi i kuadrit dhe politikës së KKRT-së″.
Pjesa e parë. Prezantimi nga Drejtori Teknik i KKRT-së: ″Projekt – Strategjia ... dhe veçoritë e saj″.
Pyetje – përgjigje – diskutime.
Pushim për kafe.
Pjesa e dytë. Prezantimi nga Zv.kryetari i KKRT-së: ″Pyetje të hapura rreth Projekt - Strategjisë..″ – të kërkuarit së bashku për zgjedhjen e politikave të përshtatshme.
Pyetje – përgjigje – diskutime dhe mbyllja e takimit.