Një grup pune i KKRT-së, kryesuar nga anëtari i Këshillit, z.Gent Ibrahimi, morën pjesë në datat 29 nëntor-1 dhjetor 2007 në takimin IX vjetor të Rrjetit Mesdhetar te Autoriteteve Rregulatore, që u zhvillua në Marok. Takimi ishte i përqëndruar në problematikat dhe sfidat konkrete që përballojnë autoritetet rregullatore si dhe në nxitjen e dialogut ndërkulturor dhe mirëkuptimit reciprok ndërmjet vendeve që i përkasin hapësirës mesdhetare.
Gjatë zhvillimit të takimit, përfaqësuesit e një sërë vendeve pjesëmarrëse prezantuan dhe ndanë përvojat e tyre në fusha të tilla si pluralizmi i medias, etika, mbrojtja e të miturve, përmbajtja e rregulloreve satelitore etj. Një sesion i veçantë i këtij takimi iu kushtua riorganizmit, aderimit të vendeve të reja në të si dhe përgjedhjes së kandidaturave për drejtimin e ardhshëm të Presidencës së këtij organizmi.
Takimi i ardhshëm i Rrjetit Mesdhetar të Autoriteteve Rregulatore do të mbahet në Itali.