Dy përfaqësues të KKRT-së po ndjekin sot punimet e takimit të 29-të të EPRA-s në Talin. Zv.kryetari i i KKRT-së, z.Alban Karapici dhe Drejtori teknik, z. Pirro Koçi janë ftuar të marrin pjesë me cilësinë e vendit anëtar të kësaj organizate; n dër të tjera, ata do të raportojnë punën e kryer nga Këshilli Kombëtar i Radios dhe Televizionit të Shqipërisë. Takimi i 29-të i EPRA-s, që po zhvillohet gjatë datave 7 dhe 8 maj në kryeqytetin e Estonisë, ka filluar sot paradite me një përmbledhje të takimit të mëparshëm të EPRA-s, që u mbajt në tetor të vitit të kaluar në Irlandë. Seanca plenare do të vazhdojë me diskutimin e disa çështjeve të hapura në një tryezë të rrumbullakët. Më pas, shtetet pjesëmarrëse do të ndahen në tri grupe pune, që do të diskutojnë më vete çështje speficike: grupi i parë, aktualitetin e radios dixhitale; grupi i dytë, aksesin e personave me aftësi të kufizuara në shërbimet e mediave audiovizuale dhe grupi i tretë, problemet e lidhura me mbrojtjen e të miturve.