Mbështetur në ligjin nr. 8410, datë 30.09.1998 “Për radion dhe televizionin publik e privat në Republikën e Shqipërisë” i ndryshuar,  Këshilli Kombëtar i Radios dhe Televizionit, ka vazhduar luftën kundër piraterisë në transmetimet radiotelevizive.

Gjatë javës së kaluar, (12-19 tetor 2009), Këshilli Kombëtar i Radios dhe Televizionit ka organizuar inspektime në disa prej subjekteve televizive kabllore dhe analoge, me shtrirje në të gjithë teritorin e vendit, duke synuar monitorimin e respektimit të të drejtave të transmetimit.

Nga inspektimet e kryera, u vërejtën disa shkelje nga operatorë të ndryshëm televizivë, ndaj të cilëve, në përputhje me legjislacionin ne fuqi, u vendosën 5 sanksione me gjobë, ndaj operatoreve kabllore në rrethet Vlorë, Lezhë, Elbasan.
Gjithashtu, ndaj operatoreve te tjerë kabllore dhe analoge të inspektuar, janë vendosur 10 sanksione me paralajmërim.

Këshilli Kombëtar i Radios dhe Televizionit, është i vendosur të forcojë më tej luftën kundër piraterisë në tregun e medias elektronike.

KKRT kërkon mirëkuptimin dhe bashkëpunimin e të gjithë operatorëve rtv,  në minimizimin e piraterisë në transmetimet radiotelevizive.