 Kryetarja e KKRT-së Dr. Endira Bushati
| |
|
|
|
|
|
29 prill 2010, Kuvendi i Shqipërisë miraton Rezolutën “Për vlerësimin e veprimtarisë vjetore të Këshillit Kombëtar të Radios dhe Televizionit për vitin 2009” |
 |
 |
Në rezolutën e miratuar nga Kuvendi i Shqipërisë për vlerësimin e punës së Këshillit Kombëtar të Radios dhe Televizionit për vitin 2009, konstatohet, ndër të tjera, se KKRT-ja ka arritje të dukshme në zbatimin e kërkesave të Kuvendit të Shqipërisë dhe ka bërë përpjekje maksimale për të rritur efiçensën e punës së saj duke kontribuar në ngritjen e cilësisë së shërbimit të radiove dhe televizioneve dhe në mbrojtjen e interesave të operatorëve dhe konsumatorëve.
Njëkohësisht, rezoluta kërkon nga KKRT-ja marrjen e masave për kalimin sa më të shpejtë në transmetimet numerike brenda afatit të përcaktuar nga Qeveria; rritjen e efikasitetit ndaj luftës kundër piraterisë televizive; zbatimin me rigorozitet të ligjit ndaj operatorëve që transmetojnë programe të propagandës dhe diktaturës komuniste; zbatimin e etikës në transmetimet televizive, respektimin e barazisë gjinore dhe mbrojtjen e të drejtave të fëmijëve; të ushtrojë ndikimin e saj tek operatorët radio-televizivë për realizimin e programeve të veçanta për emigrantët, sidomos për mësimin e gjuhës shqipe dhe promovimin e trashëgimisë historiko-kulturore, etj.
Në faqen e internetit të KKRT-së mund të lexoni tekstin e plotë të kësaj Rezolute dhe të Raportit të Këshillit Kombëtar të Radios dhe Televizionit për veprimtarinë e zhvilluar gjatë vitit 2009, paraqitur nga Dr. Endira Bushati, kryetare e KKRT-së. |
|
|
|
|
|
