Sesioni i parë i Konferencës Rajonale të Radio-Komunikacionit për planifikimin e shërbimit të transmetimit tokësor numerik në pjesët e Rajoneve 1 dhe 3, në bandat e frekuencave 174-230 MHz dhe 470-862 MHz (Gjenevë 10 – 28 maj 2004) miratoi një Rezolutë COM5/2 (RRC-04), me anë të së cilës i rekomandoi Këshillit të ndryshonte Rezolutën 1185 (e ndryshuar, 2003) me synimin e mbledhjes së sesionit të dytë të RRC-së.

Në sesionin e vitit 2004, Këshilli vendosi me anën e Rezolutës 1224, që Sesioni i Dytë i RRC-së të mblidhet në Gjenevë nga 15 maji deri në 16 qershor 2006, dhe vendosi axhendën e tij. Axhenda, datat dhe vendet e Konferencës u miratuan nga shumica e kërkuar e shteteve anëtare të Bashkimit Ndërkombëtar të Telekomunikacionit nga Sfera e Planifikimit.

"RRC-06" u mblodh në Gjenevë në periudhën e parashikuar dhe punoi mbi bazën e axhendës së miratuar nga Këshilli. Ai miratoi Marrëveshjen Rajonale në lidhje me planifikimin e shërbimit të transmetimit tokësor numerik në Rajonin 1 (pjesë të Rajonit 1 që ndodhet në perëndim të meridianit 170° E dhe në veri të paralelit 40° S, përveç territorit të Mongolisë) dhe në Republikën Islamike të Iranit, në bandat e frekuencës 174-230MHz dhe 470-862 MHz (Gjenevë, 2000) si dhe Rezolutat përkatëse që ndodhen në këto Akte Finale.

Delegatët që nënshkruajnë këto Akte Finale, të cilët i nënshtrohen aprovimit nga autoritetet e tyre kompetente, deklarojnë që nëse një shtet anëtar i Bashkimit bën rezerva në lidhje me zbatimin e një ose më shumë dispozitave të kësaj Marrëveshjeje Rajonale, asnjë shtet anëtar nuk është i detyruar të respektojë atë dispozitë apo ato dispozita në lidhje me atë shtet anëtar të veçantë.

Shkarkoni materialin e plotë të Akteve Finale të Konferencës Rajonale të Radiokomunikimit për planifikimin e shërbimit numerik të transmetimit tokësor në pjesët e Rajoneve 1 dhe 3, në bandat e frekuencës 174-230 MHz dhe 470-862 MHz (RRC-06). Materiali është në format .DOC i zipuar. Për ta lexuar atë ju duhet "MS WORD" ose "Open Office Org", të cilin mund ta shkarkoni falas nga www.openoffice.org.

Aktet Finale të Konferencës Rajonale të Radiokomunikacionit 3.96 Mb